PARAMDAM LANG AKO...
Tuesday, October 28, 2008 | 43 comments
Kung tinatanong nyo kung buhay pa ako.
oho..eto at buhay na buhay pa, pinipilit mabuhay at gusto pang mabuhay.
Kung hindi nyo naman tinatanong..
ok fine!!..hmp!..tse!..
hehe..joke lang..
ang tagal ko na naman nakapagpost ulit dahil medyo nagwardyahan ako dito sa clinic ng aking mga magulang.
aktwali, hindi naman tlga ako binantayan,nagkataon lang na nagpaayos sila ng mga ipin sa akin.si nanay ay nag pa root canal at ang tatay naman ay nagpalagay ng post and core o maliit na screw sa ipin para maging mas matibay ang pasta nya.
yang dalawang procedure na yan ang pinaka ayaw ko sa lahat..ang mag root canal at maglagay ng post and core sa ipin..ang tagal kasi at sobrang mabusisi..
tinapon ko na nga ang mga gamit ko dyan after kong grumadweyt at sinumpang hinding hindi ko gagawin ang procedure na yan kapag naging isang dentista na ako..ang dahilan?? sa ibang post ko na ikwekwento...basta, ayaw na ayaw kong mag root canal..pero ano nga ba naman ang magagawa ko kung mga magulang ko na ang nangangailangan ng serbisyo ko.
minsan ko ng tinanggihan na gawin ang mga ipin nila at i-refer nalang sila sa mga kaibigan ko ding dentista na magaling sa mga ganung bagay pero ayaw nila...gusto nila na ako ang mismong gagawa ng ipin nila..kaysa naman magtampo sila, ginawa ko nalang..basta ang sabi ko..walang sisihan kapag hindi naging maganda ang resulta pero so far naman ay ok pa naman ang mga ipin nila...
hay buhay..
sa clinic, habang inaayos ko ang ipin ng tatay ko, ang nanay ko naman ay nakikialam ng komputer ko..sabi ko sa kanya na pwede nyang pindutin lahat wag na wag lang nyang bubuksan yung tab ko sa taas na diary of a dentist..sabi ko kasi na virus yun at mabubura lahat ng files ko kapag pinindot nya yun..hehe..
ang tatay naman ay hindi mahilig magpipindot sa computer at nagbabasa lang ng dyaryo at magazine dito sa clinic habang inaayos ko ang ipin ng nanay...kaya hindi ako kabado.
hindi ako makapagsulat kapag andito sila dahil panay ang sulyap nila sa ginagawa ko.
pati pag cocomment ko sa mga blogs kapag nag bloblog hop ako ay mabilisan lang din.
masaya kapag andito sila..kakatuwa nga minsan dahil napagkakamalan na si nanay ang dentista at hindi ako..hahaha..kung makapag make-up kasi at makapag bihis e parang aatend ng party..ewan ko kasi sa nanay ko kung bakit kailangang mag make up at magbihis gayong dito lang naman sya sa clinic ko pupunta.
kakatuwa yung nanay ko kasi kahit magpapasta lang yung pasyente ko ay kinikuhanan pa nya ng BP*blood pressure*.. naiinip kasi sya.inaantay na din kasi nila ako ng tatay hangang magsarado ako ng clinic.
gumawa na ako ng bago kong entry dahil malamang bukas ay andito na naman sila at makikigulo..
maraming maraming salamat sa inyo na patuloy na bumibisita sa aking blog kahit madalas ay walang bagong entry..
CLICK HERE TO READ MORE
Ang emong si barney
Tuesday, October 21, 2008 | 33 comments
when barney turns emo... he'll be singing..
i love you..u hate me,
ur in love but not with me..
now my heart is scattered and in pieces coz of you
when will i be happy to?....
CLICK HERE TO READ MORE
Tay,Pasalubong Ko ha..
Monday, October 20, 2008 | 22 comments
Bata palamang ako ay laman na ako ng NAIA.
Halos taon taon ay ever present ako sa airport na yan.Papaanong hindi ako magiging laman nyan taon taon, taon taon umaalis ang aking ama para makipagsapalaran sa ibang bansa para lamang maitaguyod kaming pamilya nya, mabigyan kaming magkakapatid ng magandang edukasyon at mabigyan ng maginhawang pamumuhay.
Pero sa tuwing ihahatid ko ang aking ama, ako bilang isang anak, ay nalulungkot dahil alam ko na buwan na naman ang bibilangin para lang makasama namin ulit sya.
Ilang birthdays ko ba ang wala sya o mas madaling magbilang kung ang tanong ko ay ilang beses ko na ba syang nakakasama sa aking kaarawan? Sa aking pagkakatanda at base na rin sa mga litratong meron ako parang dalawang beses ko palang syang nakakasama.isa dito ay nagkataong graduation day ko pa.
Alam ko naman na pinipilit mong maka attend ng graduation ko. grumadweyt ako ng kinder,present ka, grumaweyt ako ng elementary,present ka din, grumadweyt ako ng highskul, hindi ka na nakadalo, grumaweyt ako ng college,wala ka din, grumaweyt ako sa post studies ko,wala ka pa din...pero d bale, sanay naman na ako na palaging si nanay ang kasama ko,at sanay naman na ako na bago ako grumadweyt ay tumatawag ka at bumabati.
Bakit ko nga ba naisulat ang entry na ito?
Dahil tatlong linggo nalang at ihahatid ka na naman namin sa airport.
Kung bakit ba naman kasi hindi pa pinaabot ng pasko ang aking ama dito? kelan lang sya umuwi ah.tapos ngayon ay kailangan na naman sya ng kanyang kumpanya.hay...ganun ba tlga kagaling ang tatay ko at ayaw syang mawala ng kanyang kumpanya, at kahit sa mahahalagang araw ng aming buhay ay kailangang magtrabaho sya?
magpipigil na naman ako ng luha nito kapag nasa airport tau, magpapakita na naman ako ng aking pekeng ngiti at babanat na naman ako ng "pasalubong ko tay ha" sabay kiss sa kanyang pisngi at tatalikod na.
Nalalapit na naman ang pasko, nalulungkot na naman ako dahil magcecelebrate na naman kaming mag iina habang ang aking ama ay nasa ibang bansa.
tay, kung sakaling mabasa mo ang blog kong ito {pero wag naman sana dahil malalaman mo ang ka emohan ko at baka lalo ka lang malungkot}...gusto ko lang malaman mo na kapag sinasabi ko tuwing aalis ka na...tay,pasalubong ko ha..ang gusto ko lang na iparating sau ay...tay, bumalik ka ng alive at kicking ha dahil magduduty free pa tau...
CLICK HERE TO READ MORE
Ang maTAGal ng TAG ni ate mungs
Wednesday, October 15, 2008 | 32 comments
huh? ang tagal ko na palang walang bagong entry..pasensya naman sa mga dumadaan at walang napapalang bagong babasahin sa aking inaagiw na blog.wala naman kasi ako pwedeng mai-share sa inyo na kapupulutan nyo ng aral.
medyo naging tamad busy lang ako ngayong nagdaang araw.pero kahit naging tamad busy ako, hindi ko naman kayo nalilimutang dalawin sa inyong mga bahay at mag-lurk mag-iwan ng komento.kayo pa? e labs ko kau.
kakahanap ko ng ma ipo-post,naalala ko na may tag pa pala akong utang kay ate mungs.
..pasensya ate mungs kung sobrang tagal bago ko nagawa ang tag na ito.nahirapan kasi akong maghanap ng picture sa aking lumang baul. opo,pupunta na ako sa presinto para doon magpaliwanag.*kamot ulo*
para sa gustong makakita ng nakakatakot na bata..maari nyo pong ipagpatuloy ang pagbabasa pero dun sa takot sa mga tiyanak,may sakit sa puso at sa ayaw maging badtrip ang araw,paki-abangan nyo nalang po ang next entry ko at wag ng ipagpatuloy ang pagbabasa..hehe
TARANN....ahihi..isa't kalahating taong gulang palang ako nyan.
sabi ng nanay ko,hinahabol ko daw ang tatay ko na papaalis..sana sinilid nalang ako ng tatay ko sa bagahe nya para nakasama ako sa kanya papuntang ibang bansa.
para sa inyong negatibong komento.mangyari lang na magtungo sa comment section at doon kayo magreklamo.may mamang pulis na nag aantay sa inyo dun.lol
p.s.
salamat kay teresa na nagturo sa akin kung papaano maglagay ng strikethrough..hehe
at dahil dyan, ikaw ang sunod na biktima ng tag na ito.
CLICK HERE TO READ MORE
Maagang sulat para kay santa claus
Wednesday, October 1, 2008 | 58 comments
Halos araw araw na akong nakakarinig ng mga christmas songs. madami na din akong nakikita na nagbebenta ng mga dekorasyon pang pasko.Iba na din ang simoy ng hangin. Nakakita na din ako na nagbebenta ng mga kakanin tulad ng puto bumbong at bibingka sa tabi ng mga simbahan.hudyat na ito na nalalapit na talaga ang pasko.
Yung kapitbahay nga namin ay may palamuti na nakasabit sa kanilang bahay. Aba! at gusto atang mauna sa listahan ni santa claus sa panghihingi ng regalo.Pero may panglaban ako sa kanya para maunahan ko siya sa listahan at para ako ang unang makakuha ng regalo galing kay santa claus..gagawa ako ng sulat para kay santa claus.
Dear Santa Claus,
Sumulat po ako para po humingi na ng regalo para sa darating na pasko. Naging mabait naman po ako buong taon kaya naman po PLEASEEEEEEEEEEEEEE!!! pagbigyan nyo na po ako sa wish ko. Simple lang naman po ang regalong hihingiin ko sa inyo. Santa Claus, gusto ko po sana magkaroon ng Laptop at digital camera,yung latest version po ha.gagamitin ko po sana sa pag bloblog ko. Pahingi din po ako ng PSP na kulay purple para po may malaro ako habang traffic at paki samahan na din po ng ipod na kulay yellow green para naman po hindi ako antukin habang naglalaro ng PSP. Santa claus, ito pong huling wish ko ay alam kong makakatulong sa aming mga dentista.hihingi po sana ako ng tatlong dental chair, yung complete paraphernalia, yung may intra oral camera, ung sensor po at yung hi-tech po at nagiiba iba ng kulay.kung bakit po tatlo?? kasi po yung isa para sa akin, yung isa naman po ay para sa magnanakaw na nambibiktima ng mga dentista at ung isa naman po ay para sa mga kaibigan ng naunang magnanakaw kung sakaling maiingit. Pero yung dalawang nahuli pong dental chair na para sa magnanakaw ay paki lagyan po ng hidden cam para po ma trace po sila kung saang lunga po sila nagtatago para madali po silang mahuli at pwede po bang pakilagyan nyo na din ito ng tracker para mapadali po ang mga pulis sa pagsuplong sa kanila.
Hindi naman po siguro labis ang aking hinihiling at fair naman po ito, db?
nagpapasalamat na po ako ngayon palang..thank you santa claus..labs u=) mwah..paki hi na din po kay rudolph. Kung may time po kayo ay dumaan kayo dito sa aking clinic at ililibre ko na po ng oral prophylaxis at kung wala naman na po kayong ipin ay gagawan ko na po kayo ng flexite na complete denture. lalagyan ko na din po ng braces ang mga
alaga nyong reindeers para naman po cool sila tignan at kumikislap sila sa langit habang naglalagbay.
nagmamahal,
dok rio)
p.s.
pwede po bang pakiipitan na din po ng cash yung regalo nyo sa akin, kahit 10,000 pesos po para po may pambili po ako ng regalo sa mga inaanak ko na halos walong taon ko na pong pinagtataguan.
CLICK HERE TO READ MORE
|
